Credit Card: క్రెడిట్ కార్డు బిల్లు సెటిల్ చేస్తున్నారా? ఎంత పెద్ద పొరపాటో తెలుసుకోండి!

 Credit Card: క్రెడిట్ కార్డు బిల్లు సెటిల్ చేస్తున్నారా? ఎంత పెద్ద పొరపాటో తెలుసుకోండి!

Credit Card: క్రెడిట్ కార్డు బిల్లు కట్టలేని పరిస్థితుల్లో తక్షణ ఉపశమనం కోసం సెటిల్ చేస్తుంటారు చాలా మంది. బిల్లును సకాలంలో చెల్లించకుండా అనివార్య పరిస్థితుల్లో ఇలా సెటిల్‌మెంట్ చేసుకోవడం ఉపశమనం కల్పించినా.. అది ఎంత పెద్ద మిస్టేక్ అనేది తర్వాత అర్థమవుతుంది. అది ప్రతికూల ప్రభావం చూపుతుంది. ఎలాంగంటే..

Credit Card: క్రెడిట్ కార్డు బిల్లు గడువులోపు చెల్లించాల్సి ఉంటుంది. అయితే, కొన్ని సందర్భాల్లో చేతిలో డబ్బులు లేకపోవడంతో చివరి క్షణాల్లో సెటిల్‌మెంట్ చేసుకోవాల్సిన పరిస్థితులు తెలత్తవచ్చు. అది కొంత మేర ఉపశమనం కలిగించవచ్చు. కానీ, అది సిబిల్ స్కోరుపై చిరకాల ముద్ర వేస్తుందని గుర్తుంచుకోవాలి. లోన్ తిరికి చెల్లించలేదని రుణ దాతలకు సంకేతాలు పంపిస్తుంది. ఇది మీరు భవిష్యత్తులో కొత్తగా లోన్ తీసుకోవాలనుకున్నప్పుడు, తక్కువ వడ్డీకే లోన్ పొందాలనుకున్నప్పుడు మీకో అడ్డంకిగా మారుతుంది.

Credit cards 

క్రెడిట్ కార్డు యూజర్లు గతంలో ఎప్పుడైనా బిల్ సెటిల్ చేసుకున్నట్లియితే ఒకసారి క్రెడిట్ స్కోర్ చెక్ చేసుకోవడం మంచిది. మీరు పూర్తిగా లోన్ మొత్తాన్ని చెల్లించలేదు కాబట్టి అది సెటిల్డ్ గా పేర్కొంటారు. ఇది మీ సిబిల్ స్కోరును గణనీయంగా తగ్గిస్తుంది. ఈ సమస్య గుర్తిస్తే వెంటనే మీ బ్యాంకు లేదా కార్డు జారీ సంస్థను సంప్రదించండి. అకౌంట్ స్టేటస్ క్లోజ్డ్‌గా మార్చాలని కోరండి. కొన్ని సంస్థలు మరికొంత మొత్తాన్ని అదనంగా చెల్లిస్తే మార్చే అవకాశం ఉంటుంది. ఇలా చేయడం ద్వారా మీ స్కోరును మెరుగుపరుచుకోవచ్చు.

క్రెడిట్ స్కోర్ తక్కువగా ఉంటే మీ పాత అప్పుల్లో ఏదైనా బాకీలు ఉన్నాయా అనేది చెక్ చేసుకోవాలి. అలాగే క్రెడిట్ రిపోర్టులో తప్పులుంటే బ్యాంకు దృష్టికి తీసుకెళ్లాలి. మీ స్కోరుపై ప్రతికూల ప్రభావం చూపే అంశాలను తొలగించాల్సిందిగా ఫిర్యాదు చేయాలి. క్రెడిట్ కార్డు పరిమితిలో 30 శాతం లోపే వినియోగించండి. తక్కువ క్రెడిట్ వినియోగం వల్ల స్కోరు పెరిగేందుకు అవకాశం ఉంటుంది. లోన్ వాయిదాలు, కార్డు బిల్లులు సకాలంలో చెల్లించండి. స్కోరు సరిగా లేక క్రెడిట్ కార్డు రాని సందర్భం ఎదురైతే ముందస్తు డిపాజిట్ తో కార్డును తీసుకోవాల్సి ఉంటుంది. సాధారణంగా బ్యాంకులు రూ.20 వేల డిపాజిట్ తో క్రెడిట్ కార్డులు ఇస్తాయి. ఇందులో 80 శాతం వరకూ వినియోగించుకోవచ్చు. క్రెడిట్ స్కోర్ అధికంగా ఉన్నప్పుడే లోన్ సులభంగా లభిస్తుందని గుర్తుంచుకోవాలి. వడ్డీ రేట్లలోనూ 0.5 శాతం నుంచి 1 శాతం వరుకు రాయితీ లభిస్తుంది. 

- news18